الهند و باكستان
بلدين بنفس الثقافة, نفس العرقية, لغات متشابهة, عادات متشابهة, إهتمامات إجتماعية متشابهة, أوضاع إقتصادية متشابهة... تقدر تقول عليهم توأم في كل حاجة
كانوا دولة واحدة, و انفصلوا عن بعض سنة 1947, بس كان فيه فرق واحد بسيط بينهم....إن الهند بقت دولة علمانية, و إن باكستان بقت دولة إسلامية (دينية يعني) و طبقت الشريعة الإسلامية بحذافيرها
بعد 66 سنة التوأم ما بقوش توأم, و الفرق البسيط ده بقي فرق مهول....
*في باكستان الأطفال الصغيرة من البنات بعد سن 11 سنة بتتمنع من دخول المدارس و من التعليم و المدارس بتتفجر باللي فيها لو تم مخالفة ده (ملالا نموذجا), و العلماء اللي من غير طائفة السنة بيتمنعوا من التكريم (محمد عبد السلام نموذجا)
في حين إن التعليم في الهند بقي في حالة تفوق نسبي ملحوظ علي مستوي المقارنة مع باكستان و مع العالم, و بقي بيطلع علماء و مشاهير في مجالات كتير, و عندهم جوايز نوبل أكتر بكتير من باكستان في العلوم
*في باكستان صناعة السينما و الفنون لفترة مؤخرة كانت حرام و أي دار سينما بعيدا عن المدن الرئيسية كانت بتتفجر و كانت في حالة انهيار في فترة الحكم الإسلامي
في حين ان صناعة السينما و الفنون في الهند بقت من أقوي الصناعات في أسيا و في العالم, و بقت تنافس أمريكا في القوة
*في باكستان مفيش إلا طائفة واحدة من دين واحد, و بالرغم من كده أكبر معدل أزمات طائفية في العالم
في الهند أكبر تعدد ديني في العالم, و مفيش أي ازمات أو اضطرابات دينية الا لماما
*في باكستان حصل 3 إنقلابات عسكرية و حصل حكم إسلامي 3 مرات(كان الإسلاميين بينقلبوا علي الإسلاميين لأنهم مش شايفينهم إسلاميين كفاية), و نظام الحكم أصبح سلطوي حتي الأن, و تم طرد كل الأقليات الكافرة من النظام أو من طالبان, تم اغتيال القادة الغير إسلاميين قبل و بعد وصولهم الحكم (كان من ضمنهم واحدة ست)
في حين ان في الهند بقت دولة إتحادية كل ولاية عندها استقلال نسبي و قدرة ع التأثير في قرار الدولة, اتولي الحكم واحدة ست و واحد مسلم و واحد سيخي (الهندوسية هي الديانة السائدة), و الجيش بره الحكم تماما
*في باكستان اكبر مقر للحركات الإرهابية اللي ضد الدولة في العالم, و في الهند تالت أكبر جيش في العالم حامي للعلمانية و التعددية و الاستقلال
شفتوا العلمانية بتعمل في الدول إيه؟ لسة مُصرّ ان العلمانية وحشة برضه؟
No comments:
Post a Comment